free web hosting | free website | Business Hosting | Free Website Submission | shopping cart | php hosting
Free Domain Name with Hosting from Network Solutions®!

SKOLTISMO 

 

 

INDEX | biografio | Mia Laboro | Mia urbo kaj lando | CE4JLK | fotoj | hobioj | esperanto | skoltismo | skoltismo &  esperantismo | amikoj| ligoj |

Skoltismo estas grava afero en mia vivo.  Ĉio komencis kiam amiko havis la malbonan ideon, inviti min partopreni en la Lupida Svarmo " Pola Stelo" el la Skolta Grupo "Suda Kruco" en mia lernejo  Instituto San Martín de Curicó, kiu apartenas al la katolika kongragacio Malgrandaj Fratoj de la Lernejoj.
Ĉi tio okazis en la jaro 1971. Mi eniris en la Verda Seso, kaj baldaŭ atingis mian Tri Stelan- insignon ( nun ĉasanta lupido) .

En la jaro 1974 mi jam komencis partopreni en la Trupo de la sama Skolta Grupo, kaj partoprenis mian unuan naci-nivelan skoltan renkontiĝon, en Pangal (Sexta Región); tiam mi ne multe ŝatis la Trupon, sed jam post kelkajn monatojn kaj ekskursoj la afero iĝis pli konforta.

 Dum 1974 okazis gravaj aferoj en la Skolta kaj Skoltina Movado en Ĉilio: La Movado por la Skolta Unuiĝo. Unue unuiĝis la laika skolta movado kaj la katolika skolta movado en SCOUTS DE CHILE, kaj samtempe unuiĝis la skoltinoj el la laikaj kaj katolikaj movadoj en GUIAS DE CHILE.  

Poste ambaŭ asocioj kunigis en GUIAS Y SCOUTS DE CHILE. En unu jaro mi devis uzi tri malsamajn uniformojn, ĉar mia Grupo apartenis al la Katolika Skolta Federacio ( kies uniformo estis bluaj pantalonoj kaj helblua ĉemizo). Poste ni uzis la helbluan ĉemizon kun ĝinzoj, kaj poste griza ĉemizo kaj ĝinzoj!

Ankaŭ la kristanaj simboloj malaperis tiam ĉar por la laikuloj estis malfacilaĵo. La laika movado ĉefe estis frankmasonoj kaj tre konservemaj personoj


En la Trupo mi estis membro de la Patrolo "Cóndor" ( nia nacia birdo), kiu fakte estis la plej bona patrolo,
ĉar dum 8 sinsekvaj jaroj ĝi gajnis ĉiujn konkurencojn. La patrolo fine estis malaperita kiam la Trupestro - kiu apartenis iam al la Patrolo Cervoj- decidis ĝin forigi. Mi estis patrolestro de la Patrolo "Kondor" dum unu kaj duona jaro!.
Mi sukcesis atingi la plej altan progres-insignon en la Trupo, kaj akiris plurajn lertec-insignojn, kiel Unuaj Helpoj, Biciklisto, Telekomunikado, Tradukisto, Interpretisto, ktp.

Tiam mi malkovris Esperanton kaj radioamatorismo.

Post la Trupo mi partoprenis en la Rovera Bando "Antares" , ĝis kiam en la jaro  1978  mi devis -devige- estri ĝin ĉar la Roverestro ne povis iri al la Somera Tendaro... tiel mi komencis kiel skoltestro; sed post la tendaro mi devis plu labori en la Svarmo ĉar la Rovera Bando ĉesis ekzisti plu pro manko da estroj. 

En la Jaro 1981 ĝis 1983 mi devis forlasi la movadon pro la Universitataj studoj, sed de tempo-al-tempo mi vizitis la grupon. 
En la  jaro 1988 mi revenis al la movado kiel Roverestro ĉe la Skolta Grupo "La Concepción" el la Knaba Liceo en mia urbo, kie mi organizis la Roveran Bandon "Manquepañilhue". Mi restis tie ĝis 1993, kiam mi forlasis la Grupon, por iri estri alian kies estraro ne povis plu elteni ĝin ĉar li ŝanĝos urbon pro laboraj aferoj. Tiel mi komencis estri la Grupon "San Francisco", kaj fondis la Roveran Bandon "Aoniken"

Ĝis nun mi partroprenis en pluraj internaciaj skoltaj renkontiĝoj : Du Rover Moot, 4 skoltaj ĵamboreoj, kaj 3 lupidaj naciaj renkontiĝoj; sed la plej grava estis certe la 19º Skolta Monda Ĵamboreo.

Nuntempe mi havas la Gilwell-insignon en la Rovera Branĉo.

Kiel estro - kaj krom la jam menciitaj postenoj- mi estis Administra Distrikta Help-Komisaro, Distrikta Komisaro, kaj nun Trejniga Help-komisaro; je nacia nivelo mi estis membro de la Nacia Rovera Komisiono kaj Regiona Skoltestro.

Kiel trejnisto mi preskaŭ havas ĉiujn eblajn kursojn. Mi vere ŝatas trejnigi novajn skoltestrojn!!!!

Post preskaŭ 25 jaroj da skoltado, ĉio ŝuldiĝas al miaj gepatroj, kiuj vidante mian malkonstantecon en miaj hobioj kaj okupitecoj, postulis ke mi surskribu paperon kiu diris ke mi ne forlasos skoltismon.... kaj do.... mi tion ne faris ĝis nun...

Mia unua rovera nancia renkontiĝo kiel estro (Isla Teja, 1992) Ĉe la alveno kun la roveroj.
En la enirejo al la unua nacia renkontiĝo kie mi partoprenis kiel estro ĉe la stacidomo en korekta uniformo

 

INDEX | biografio | Mia Laboro | Mia urbo kaj lando | CE4JLK | fotoj | hobioj | esperanto | skoltismo | skoltismo &  esperantismo | amikoj| ligoj |

ESPERANTO.CL

31.05.2003